आज सकाळ पासून मुसळधार पाऊस सुरू आहे. दुपारी एक ते दिड वाजताच्या सुमारास तुळस नदीला आलेल्या भरतीच्या पाण्यामुळे नदीच्या दुतर्फा पुराने रौद्ररुप धारण केले होते. येथील फौजदारवाडीतील शुभम परब व चुडजीवाडीतील दिनेश चुडजी हे दोघे युवक पुराच्या पाण्याचा अंदाज न आल्याने पुरातून वहात असताना जकातनाक्यावरील हरी तांबोसकर व सौरभ सावंत यांनी पाहिले. लागलीच या दोघांनी आपला जीव धोक्यात घालून त्यांना बाहेर काढले. अन्यथा मोठा अनर्थ घडला असता.