बेळगाव जिल्ह्यातील एका गावात तेथील नागरिकांनी बसवलेला छत्रपती शिवाजी महाराजांचा पुतळा कर्नाटक सरकारच्या आदेशावरुन रातोरात हटवण्यात आला आहे. या घटनेमुळे शिवप्रेमींमध्ये ठिकठिकाणी याचा निषेध केला जात आहे. आज वेंगुर्ल्यातही याचे तीव्र पडसाद उमटले. वेंगुर्ला तालुका शिवसेनच्यावतीने या घटनेचा तीव्र निषेध करण्यात आला. यावेळी कर्नाटकचे मुख्यमंत्री येडीयुरेप्पा यांचा प्रतिकात्मक पुतळ्याला चपलांचा हार घालून तीव्र निषेध व्यक्त करण्यात आला. तसेच यावेळी शिवाजी महाराजांचा विजय असो, कर्नाटक सरकारचा निषेध असो आशा जोरदार घोषणाही देण्यात आल्या.
यावेळी तालुकाप्रमुख यशवंत उर्फ बाळू परब, उपजिल्हाप्रमुख सुनील डुबळे, जिल्हा पदाधिकारी सचिन वालावलकर, शहरप्रमुख अजित राऊळ, शहर समन्वयक विवेक आरोलकर, उपतालुकाप्रमुख संजय गावडे, उमेश नाईक, तुळस विभाग प्रमुख संजय परब, युवासेना उपतालुका अधिकारी दादा सारंग, हेमंत मलबारी, अभिनय मांजरेकर, दिलीप राणे, गजानन गोलतकर, देवदत्त जुवलेकर, अभिमन्यू भुते, छोटू कुबल आदी उपस्थित होते.