वडखोल येथील सचिन पालव हे संपूर्णपणे दृष्टीहिन असूनही त्यांनी आपल्या दिव्यांगावर मात करीत संगीत क्षेत्रातील तीन महत्त्वाच्या पदव्या संपादन केल्या आहेत. त्यांनी हार्मोनियम वादन, तबला वादन व गायनामध्येही संगीत विशारद पदवी प्राप्त केली आहे. कमी वयात मिळविलेले हे यश आदर्श निर्माण करणारे आहे. याची दखल घेऊन शिवसेनेचे जिल्हा समन्वयक सचिन वालावलकर यांच्या हस्ते ‘वेंगुर्ला संगीतभूषण पुरस्कार‘ देऊन त्यांना सन्मानित करण्यात आले. हा पुरस्कार प्रदान कार्यक्रम २५ ऑगस्ट रोजी रामेश्वर मंदिरात झालेल्या खुल्या गायन स्पर्धेवेळी संपन्न झाला. यावेळी नितीन मांजरेकर, उमेश येरम, भालचंद्र केळुसकर, अनघा गोगटे, सुनिल परब, संजय परब, गजानन मेस्त्री, शाश्वत बहुउद्देशीय संस्थेच्या अध्यक्षा मिताली मातोंडकर, भालचंद्र पालव आदी उपस्थित होते.