वेंगुर्ला तालुक्यासह शहरात घरोघरी आज उत्साहपूर्ण वातावरणात गणपतीचे पूजन करण्यात आले. गणपती शाळेतून गेले दोन दिवस गणपती घरी नेतानाचे चित्र आजही सकाळही पहायला मिळाले.

      भाद्रपद शुद्ध चतुर्थीला घरोघरी गणपतीचे पूजन करण्याची परंपरा आहे. त्यानुसार आज घरोघरी गणपतींचे पूजन करण्यात आले. गेले दोन महिने या सणाची पूर्वतयारी जोरदार सुरू झाली होती. प्रत्येकजण या उत्सवाची आतुरतेने वाट पहात होता. आज या उत्सवाला प्रारंभ झाला आहे. पहाटेपासूनच घरोघरी गणपतीच्या प्राणप्रतिष्ठापनेला सुरूवात झाली. आरतीचेही सूर निनादू लागले आहेत. भजनाच्या माध्यमातून गणेशाची सेवा करण्यासाठी भजन मंडळेही सज्ज झाली असून सायंकाळपासून ते पहाटेपर्यंत ही भजने चालणार आहे. असे हे मंगलमय वातावरण अनंत चतुदर्शीपर्यंत पहायला मिळणार आहे.