तालुका विधी सेवा समिती वेंगुर्ला व ग्रा.पं.परबवाडा यांच्या संयुक्त विद्यमाने १० मार्च रोजी कायदेविषयक शिबिर संपन्न झाले. दिवाणी न्यायाधीश के.के.पाटील यांनी महिलांसाठी असलेल्या विविध कायद्यांबाबत सविस्तर मार्गदर्शन केले. यावेळी गावातील ११० महिला उपस्थित होत्या. सहन्यायाधीश डी.वाय.रायरीकर व ग.वि.अधिकारी मोहन भोई यांनी महिलांच्या सुरक्षाविषयक माहिती दिली. अॅड.वेदिका राऊळ यांनी महिलांविषयी राज्य घटनेतील तरतूदींबाबत मार्गदर्शन केले.
अॅड.सुषमा प्रभूखानोलकर यांनी महिलांवर आलेल्या संकटांवर कशी मात करावी व त्यासाठी कोणकोणते कायदे आहेत याबाबत माहिती दिली. सरपंच शमिका बांदेकर यांनी कायदेविषयक मार्गदर्शन शिबिराचे आपल्या दैनंदिन जीवनात वेळप्रसंगी उपयोग करावा असे आवाहन केले. या कार्यक्रमाला महिला व बालविकास प्रकल्प अधिकारी एस.टी.सामंत, उपसरपंच पपू परब, पोलिस रंजिता चौहान, रुपाली पाटील, ग्रामसेवक प्रविण नेमण, ग्रा.पं.सदस्य संतोष सावंत, स्वरा देसाई, कार्तिकी पवार, अरुण गवंडे, सुहिता हळदणकर, हेमंत गावडे, सारिका काळसेकर,इनासिन फर्नांडीस, अॅना डिसोजा, गौरी सावंत, मुख्याध्यापिका रॉड्रीक्स, मनवेल फर्नांडीस, संजय मळगांवकर उपस्थित होते.
यावेळी परबवाडा गावातील सविता परब, स्वाती पवार, शालिनी पारकर, रत्नप्रभा साळगांवकर, नयना मोर्ये, प्रतिक्षा भोवर, संयोगिता सातोस्कर, सुवर्णा सावंत, रोजालिन फर्नांडीस या कर्तबगार महिलांचा न्यायाधीश के.के.पाटील यांच्या हस्ते सत्कार केला. सूत्रसंचालन अॅड.श्वेता चमणकर यांनी केले.