वेंगुर्ला न.प.मार्फत ‘घरोघरी तिरंगा‘ अंतर्गत कालेलकर सभागृहात तिरंगा शपथ घेण्यात आली. त्यानंतर वेंगुर्ला हायस्कूल, सिधुदुर्ग विद्यानिकेतन, शिवाजी प्रागतिक शाळा, वेंगुर्ला नं.१, वेंगुर्ला नं.२ व वेंगुर्ला नं.४ या शाळांच्या विद्यार्थ्यांनी देशभक्तीपर समुहगीत व समुहनृत्य सादर करीत उपस्थितांकडून वाहवा मिळविली.
भारतीय स्वातंत्र्य लढ्यात महत्त्वाची भूमिका बजावणाया महानायकांच्या वेशभूषा स्पर्धेत पहिली ते चौथी गटात शहरातून ३२ स्पर्धकांनी सहभाग घेतला. यात रघुवीर काणेकर (प्रथम), अनन्या नंदगिरीकर (द्वितीय), प्राची मिसाळ (तृतीय), आदर्श पवार व प्रसन्ना बर्वे (उत्तेजनार्थ) यांनी तर इयत्ता पाचवी ते दहावी या गटामध्ये एकूण ५ स्पर्धक सहभागी झाले होते. यात स्नेहल चुडजी (प्रथम), ओजस पाडगांवकर (द्वितीय), खुशी मठकर (तृतीय) यांनी बक्षिस पटकाविले. परिक्षण प्रा.डॉ.धनश्री पाटील व कैवल्य पवार यांनी केले. या कार्यक्रमाचे उद्घाटन प्राचार्य डॉ.एम.बी.चौगले यांच्या हस्ते झाले. यावेळी प्रा.डॉ.धनश्री पाटील, परिविक्षाधिन मुख्याधिकारी श्री.थोरात, कैवल्य पवार, प्रशासकीय अधिकारी संगीता कुबल, सत्यवान साटेलकर व महेंद्र मातोंडकर आदी उपस्थित होते.