महाराष्ट्र राज्य शासनातर्फे जिल्हापरिषदस्तरावर उत्कृष्ट काम करणा-या ग्रा.पं. अधिकारी यांना दरवर्षी आदर्श ग्रा.पं. अधिकारी पुरस्कार देऊन गौरविण्यात येते. वेंगुर्ला तालुक्यातील परूळेबाजार व मेढा ग्रा.पं.अधिकारी शरद शिंदे यांना सन २०२२- २०२३चा तर केळुस ग्रा.पं.अधिकारी विवेक वजराटकर यांना सन २०२३-२०२४ चा राज्यस्तरीय आदर्श ग्रामपंचायत अधिकारी पुरस्कार जाहीर झाला होता. या पुरस्कारांचे वितरण राज्याचे राज्यपाल सी.पी.राधाकृष्णन व ग्रामविकास मंत्री जयकुमार गोरे यांच्या हस्ते करण्यात आले. प्रमाणपत्र व सन्मानचिन्ह असे या पुरस्काराचे स्वरूप आहे. यावेळी ग्रामविकास व पंचायत राज राज्यमंत्री योगेश कदम व प्रधानसचिव एकनाथ डवले आदी उपस्थित होते. वेंगुर्ला पं.स.चे ग.वि.अधिकारी दिनेश पाटकर यांनी दोन्ही अधिका-यांचे कौतुक आणि अभिनंदन केले आहे.