वेंगुर्ला तालुका भाजप मंडळ अध्यक्षपदी तालुक्यातील परबवाडा ग्रामपंचायतचे उपसरपंच विष्णू उर्फ पपू परब यांची निवड करण्यात आली आहे. पक्ष निरीक्षक विलास हडकर यांनी वेंगुर्ला भाजप कार्यालयात ही घोषणा केली. मिळालेल्या संधीचे सोने करून सर्वांना बरोबर घेऊन वरिष्ठांच्या मार्गदर्शनाखाली तालुक्यात भाजप एक नंबरचा पक्ष कायम ठेवण्यासाठी प्रयत्न करणार असल्याचा विश्वास यावेळी पपू परब यांनी व्यक्त केला.
भाजपा कार्यालयातील सभेदरम्यान, मंडळ अध्यक्ष निवड प्रक्रियेची माहिती सांगून तालुक्यातून पपू परब यांचे एकमेव नाव या पदासाठी आल्याने ही निवड बिनविरोध केल्याचे सांगितले. आपल्याला तालुक्यात काम करताना जशी साथ दिली तशीच आणि त्याहीपेक्षा जास्त पप्पू परब यांना साथ द्यावी असे आवाहन मावळते अध्यक्ष सुहास गवंडळकर यांनी केले.
यावेळी सिंधुदुर्ग जिल्हा बँकेचे अध्यक्ष मनिष दळवी, भाजपाचे जिल्हाध्यक्ष प्रभाकर सावंत, भाजपा जिल्हा उपाध्यक्ष प्रसन्ना देसाई, सुजाता पडवळ, अॅड.सुषमा प्रभूखानोलकर, प्रितेश राऊळ, कमलेश गावडे, अजित नाईक, वसंत तांडेल, भूषण सारंग, नाथा मडवड, लक्ष्मीकांत कर्पे, साईप्रसाद नाईक, हेमंत गावडे, सुजाता देसाई, दादा केळुसकर, मनवेल फर्नांडिस, श्रेया मयेकर, शितल आंगचेकर, संतोष गावडे, सत्यविजय गावडे, मयुरेश शिरोडकर, शैलेश जामदार, सोमनाथ टोमके, राजबा सावंत, नितीन चव्हाण, समीर कांबळी, श्यामसुंदर राय, विजय रेडकर, श्री.पाटील, पुंडलिक हळदणकर, मारूती दोडशनट्टी, संदीप देसाई यांच्यासह पदाधिकारी व कार्यकर्ते उपस्थित होते.