विशाल सेवा फाऊंडेशन आणि विशाल परब मित्रमंडळाच्या कार्यकर्त्यांनी वेंगुर्ला उपजिल्हा रूग्णालयात रूग्णांना फळांचे वाटप तसेच रूग्णांचे कपडे तसेच चादरी स्वच्छ करता याव्यात यासाठी वॉशिंग मशीन भेट दिली.
आयुष्यात चढ-उतार हे यायचेच. ‘सेवा हेच संघटन‘ ही शिकवण घेऊन मी माझ्या सामाजिक जीवनात वावरलो. गोरगरिबांची सेवा हाच माझ्या रक्ताचा धर्म असून तो आयुष्यभर जपणार, आता थांबणार नाही. चांगल्या कामात परमेश्वर मला निश्चितपणे बळ देईल असा पूर्ण विश्वास युवा उद्योजक विशाल परब यांनी व्यक्त केला. यावेळी डॉ.गणेश गुट्टे, डॉ.निखिल, इन्चार्ज सिस्टर पी.एफ.डिसोजा तसेच रूग्णालयाचे कर्मचारी आणि केतन आजगावकर, प्रशांत नाईक, गणपत राऊळ, अजित नाईक, सचिन शेटये, राजू रगजी, श्रीकांत राजाध्यक्ष, दीपेश केरकर, निलेश मांजरेकर, बाबू टेमकर, साईप्रसाद नाईक, राजेश करंगुटकर, प्रसाद शिंदे, संदीप गावडे, विनायक मांजरेकर आदी कार्यकर्ते उपस्थित होते. या कार्यक्रमाच्या माध्यमातून विशाल परब यांच्या समवेत शेकडो कार्यकर्ते पुन्हा एकदा समाजसेवेचा वसा घेऊन कार्यरत झाल्याचे चित्र दिसून येत असून सिंधुदुर्गात या स्तुत्य उपक्रमाची चर्चा सुरू झाली आहे.