वेंगुर्ला तालुक्यात पुढील कालावधीत होणाया एकूण ३० ग्रामपंचायतींच्या सरपंचपदाची आरक्षण सोडत तहसीलदार ओंकार ओतारी यांनी तहसील कार्यालयात झालेल्या बैठकीत जाहीर केले. पुरूष व महिला यांना समान आरक्षणानुसार वेंगुर्ला तालुक्यात भविष्यात १५ ग्रामपंचायतींवर महिला सरपंच विराजमान होणार आहेत. नव्या आरक्षणाचा फटका बहुतांश विद्यमान सरपंच यांना बसला असून भविष्यात गावचा कारभारी कोण असणार याची आतापासूनच चाचपणी सुरू झाली आहे. जाहीर केलेल्या आरक्षणानुसार खुला प्रवर्ग – केळुस, परबवाडा, वेतोरे, भोगवे, तुळस, पाल, आडेली, चिपी, होडावडा, मोचेमाड. खुला महिला-उभादांडा, आसोली, पालकरवाडी, कोचरा, मेढा, रेडी, दाभोली, पेंडूर, खानोली, वायंगणी, आरवली. नागरिकांचा मागास प्रवर्ग-वजराट, शिरोडा, मठ, म्हापण. नागरिकांचा मागास प्रवर्ग महिला-परूळेबाजार, अणसुर, कुशेवाडा, सागरतीर्थ. अनुसूचित जाती मातोंड आदींचा समावेश आहे. या आरक्षणानुसार बयाच विद्यमान सरपंच यांचा आगामी निवडणुकीत सरपंच पदाचा पत्ता कट झाला असला तरी भविष्यात विद्यमान सरपंच यांच्या पती व पत्नीसाठी संधी मात्र चालून आली आहे.