रोटरी क्लब ऑफ वेंगुर्ला मिडटाऊन यांच्यावतीने व रोटरी क्लब ऑफ कॅश्यू सिटी दोडामार्ग, रोटरी क्लब ऑफ बांदा व रोटरॅक्टसिंधुदुर्ग यांच्या सहकार्याने रविवार दि. २७ ऑगस्टरोजी सकाळी ९ ते सायंकाळी ७ या वेळेत वेंगुर्ला हायस्कूल नजिकच्या मैदानावर महाराष्ट्र, गोवा व कर्नाटक या तीन राज्यातील १६ व्हॉलीबॉल संघाची मल्टी डिस्ट्रीक्ट स्पोर्ट रायला अंतर्गत भव्य व्हॉलीबॉल स्पर्धा आयोजित करण्यात आल्याची माहिती रोटरी क्लब ऑफ वेंगुर्ला मिडटाऊनचे प्रेसिडेंट राजू वजराटकर यांनी पत्रकार परिषदेत दिली.
वेंगुर्ला येथील सिद्धिविनायक प्लाझामधील सभागृहात रोटरी क्लबच्या ऑफ वेंगुर्ला मिडटाऊनतर्फे मल्टी डिस्ट्रीक्ट स्पोर्ट रायला अंतर्गत तीन राज्यांतील १६ संघाच्या भव्य व्हॉलीबॉल स्पर्धेच्या आयोजनाबाबतची माहिती, जिल्ह्यातील तमाम खेळाडू व रसिकांना व्हावी या उद्देशाने पत्रकार परिषदेचे आयोजन केले होते. यावेळी राजू वजराटकर, योगेश नाईक, संजय पुनाळेकर, राजेश घाटवळ, प्रथमेश नाईक, मुकुल सातार्डेकर, दिलीप गिरप आदी उपस्थित होते.
या स्पर्धेसाठी डिस्ट्रीक गव्हर्नर नासीरभाई बोरसादवाला डिस्ट्रीक सेक्रेटरी ऋषिकेष खोत, स्पोर्ट सेक्रेटरी संजय साळोखे, डीसीसी राजेश घाटवळ, डीआरसीसी राज खलप, असिस्टंट गव्हर्नर सचिन गावडे, असिस्टंट गव्हर्नर संजय पुनाळेकर, डीआरआर प्रांजल मराठे, एनआयएस कोच व इंटरनॅशनल रेफरी अतुल सावडावकर आदी रोटरी पदाधिकारी खास उपस्थित रहाणार आहेत.
या स्पर्धेतील विजेत्या संघास रोख रु. १५ हजार व उपविजेत्या संघास रोख रू १० हजार तसेच कायम स्वरूपी चषक तसेच बेस्ट मँशर, बेस्ट लिफ्टर, बेस्ट टॉसर, बेस्ट लिबरो यासाठी चषक अशी बक्षिसे ठेवण्यात आली आहेत. स्पर्धेचे बक्षीस वितरण सायंकाळी ७ वाजता होणार आहे. या स्पर्धेत तिन्ही राज्यातील प्राधान्याने सहभागी होणा-या १६ संघानाच प्रवेश दिला जाणार आहे. स्पर्धेच्या अधिक माहितीसाठी प्रा.हेमंत गावडे (९४२१२३५१२८) यांचेशी संफ साधावा. स्पर्धेचा आनंद लुटण्यासाठी सिंधुदुर्गातील व्हॉलीबॉल खेळाडू व रसिकांनी बहुसंख्येने सहभागी व्हावे असे आवाहन रोटरी क्लब ऑफ वेंगुर्ला मिडटाऊनचे अध्यक्ष राजू वजराटकर व सचिव योगेश नाईक यांनी केले आहे.