साप्ताहिक किरात मधील ‘किरातचा’ नेमका अर्थ –

 संस्कृत मध्ये किरातचा ‘भिल्ल’ असा अर्थ आहे.’किरात’ हे भगवान शंकरचेही नाव आहे.फार पूर्वीपासून भिल्ल,आदिवासी , कातकरी असे विविध समुदाय कोकण पट्ट्यात वास्तव्याला होते आणि आहेत. शिकार करणे हे त्यांच्या चरितार्थाचे साधन होते. आणि ती शिकार बाणानेच होत असे. त्या समुदायाच्या अंगी असलेले मूलभूत कौशल्य म्हणजे ‘अचूक लक्ष्यवेध’ म्हणून साप्ताहिक किरातच्या सुरुवातीच्या काही वर्षातील अंकांमध्ये बाणाच्या लोगो सोबत भिल्लाचेही चित्र दिसते.विविध सामाजिक ,राजकीय घटनांबाबत लेखणीने अचूक शरसंधान हे साप्ताहिक किरातचे वैशिष्ट्य राहिले आहे. या जाणिवेतून साप्ताहिकाचे नामकरण ‘किरात’ असे करण्यात आले. आजही चाकरमान्यांना गावच्या घडामोडी देत असताना कोकणातील विविध सामाजिक राजकीय प्रश्न मांडले जातात.