महाराष्ट्रातील काजूच्या सर्वंकष विकासासाठी काजू फळपीक विकास योजना लागू करण्यात आली आहे. या योजनेंतर्गत अनुदान देण्यात येत आहे. इच्छुक शेतकयांनी या योजनेत सहभाग घ्यावा, असे आवाहन वेंगुर्ला तालुका कृषी अधिकारी हर्षा गुंड यांनी केले आहे.
खासगी क्षेत्रातील रोपवाटिका स्थापन व बळकटीकरणासाठी अनुदान किमान ५० गुंठे ते जास्तीत जास्त १ हेक्टर क्षेत्र असून अनुदान ७ लाख ५० हजार रुपये, प्लास्टिक आच्छादनासह शेततळे सुविधेसाठी अनुदान प्लास्टिक ७५ हजार रुपये देण्यात येते. कृषी विभाग जिल्हा परिषदमार्फत सिचनाकरिता प्रति विहिर २ लाख ५० हजार, कृषी यांत्रिकिकरण योजनेमार्फत फवारणी यंत्र, पॉवर विडर, ग्रासकटर १८ हजार रुपये प्रति युनिट, एकात्मिक फलोत्पादन विकास योजनेमार्फत जुन्या बागांचे पुनरुज्जीवन करण्यासाठी ५० टक्के व जास्तीत जास्त २० हजार रुपये, प्रति हेक्टरी ०.२० ते २ हेक्टरपर्यंत एकात्मिक विकास अभियान पीएमएफएमई मुख्यमंत्री कृषी व अन्न प्रक्रिया योजनेमार्फत काजू प्रक्रिया उद्योग आधुनिकरणासाठी सर्वसाधारण क्षेत्र ४० टक्के कमाल रुपये १० लाख व डोंगराळ अतिसुचित क्षेत्र ३५ टक्के कमाल रुपये १३ लाख ७५ हजार रुपये, एकात्मिक फलोत्पादन विकास अभियान योजनेमार्फत पॅक हाऊस व ड्राईंग यार्ड उभारणीसाठी अनुदान सर्वसाधारण क्षेत्र ३५ टक्के कमाल रुपये १० लाख व डोंगराळ अधिसुचित क्षेत्र ५० टक्के कमाल रुपये २५ लाख देण्यात येते.
शेतकर्‍यांनी महाडीबीटी पोर्टलवर ऑनलाईन अर्ज करायचा आहे. अर्ज हा महा ई सेवा केंद्र येथून करावा. त्यासाठी अर्जासोबत सातबारा, आठ अ, बँक पासबुकच्या पहिल्या पानाची झेरॉक्स, आधारकार्ड आदी कागदपत्रे जोडून अर्ज ऑनलाईन करावा. काजू उत्पादक शेतकर्‍यांनी व प्रक्रिया उद्योजकांनी या योजनेचा लाभ घ्यावा.