वेंगुर्ल्याचे ग्रामदैवत श्री देव रामेश्वराचा अखंड भजनी सप्ताह ४ ते ११ जुलै या कालावधीत संपन्न होणार आहे. यानिमित्त ४ जुलै रोजी स.९ वा. सप्ताहाची सुरुवात झाल्यानंतर रोज अष्टोप्रहर भजने, रामेश्वर व राम मंदिरात पौराणिक कथांवर आधारित देखावे, स्थानिक कलाकारांची रांगोळी प्रदर्शने असे कार्यक्रम होणार आहेत.
तर दि.४ रोजी ७ वा.-विठ्ठल पंचायतन सांप्रदाय-सुरंगपाणी, रात्रौ ८.३० वा. दत्तप्रासादिक भजन मंडळ कुबलवाडा, दि.५ रोजी सायं.७ वा. अचानक भजन मंडळ, रात्रौ ८.३० वा.ब्राह्मण भजन मंडळ-भेंडमळा, दि.६ रोजी सायं.७ वा.ओमकार भजन मंडळ आडारी, रात्रौ ८.३० वा. मुळपुरुष भजन मंडळ-वडखोल, दि.७ रोजी सायं.७ वा. जनता सेवा भजन मंडळ-परबवाडा, रात्रौ ८ वा.ब्राह्मण प्रासादिक भजन मंडळ नमसवाडी, दि.८ रोजी सायं.७ वा. वाटोबा भजन मंडळ–उभादांडा, रात्रौ ८.३० वा. देऊळवाडा भजन मंडळ-वेंगुर्ला, दि. ९ रोजी सायं. ६ वा.श्री रामेश्वर संयुक्त संगित भजन मंडळ-वेंगुर्ला, रात्रौ ८ वा.बागायतवाडी भजन मंडळ-शिरोडा, दि. १० रोजी सायं.६ वा. ब्राह्मण प्रासादिक भजन मंडळ रेडी, रात्रौ ८.३० वा.धावडेश्वर भजन मंडळ-कॅम्प या मंडळांची भजने होणार आहेत. दि.१० रोजी रात्रौ १२ वा.दिडी, दि.११ रोजी स.१० वा.रामेश्वर पालखी प्रदक्षिणा, दुपारी १२ वा. काल्याने सप्ताहाची सांगता. त्यानंतर गावाच्या कल्याणासाठी गाहाणे घालण्यात येणार आहे. भाविकांनी श्रींच्या दर्शनाचा व कार्यक्रमांचा लाभ घ्यावा असे आवाहन श्री रामेश्वर देवस्थान ट्रस्टतर्फे केले आहे.
श्रावण महिन्यातील वरदशंकर पुजेची नावनोंदणी ही सप्ताहाच्या पहिल्या दिवसापासून केली जाणार आहे. याची भाविकांनी नोंद घ्यावी.