कोविड-१९ साथरोगाच्या वाढत्या प्रादुर्भावाच्या पार्श्वभूमीवर सिंधुदुर्ग जिल्हा परीषद आरोग्य व शिक्षण समिती सभापती डॉ.अनिषा दळवी यांनी आज शुक्रवारी वेंगुर्ला तालुक्यातील प्राथमिक आरोग्य केंद्र व उफद्रांना भेटी देवून पहाणी केली. या भेटीदरम्यान आरोग्य विभागाचा आढावा घेऊन डॉ. दळवी यांनी तालुक्यात कोविड सेंटरला ऑक्सीजन बेड मिळवून देण्यासाठी प्रयत्न करणार असल्याचे सांगितले.
आजच्या दौर्-यात त्यांनी आडेली प्राथमिक आरोग्य केंद्र, होमिओपॅथिक मेडिकल कॉलेज, ग्रामीण रुग्णालय, वेंगुर्ला शहर, रेडी प्राथमिक आरोग्य केंद्र, माऊली हॉस्पिटल, रेडी, उप जिल्हा रुग्णालय-शिरोडा, आरवली संशोधन केंद्र व हॉस्पिटल, उफद्र, परबवाडा आणि तुळस प्राथमिक आरोग्य केंद्र येथे भेट देऊन आढावा घेतला.
यावेळी त्यांचेसोबत वेंगुर्ला पंचायत समिती गटविकास अधिकारी सौ.उमा घारगे पाटील, वेंगुर्ला तालुका आरोग्य अधिकारी डॉ.अश्विनी माईणकर, आधार फाउंडेशनचे नंदन वेंगुर्लेकर व इतर अधिकारी उपस्थित होते.