वेंगुर्ला नगरपरिषद यांच्या सहकार्याने मुंबई विद्यापिठामार्फत सिंधू स्वाध्याय केंद्र या संस्थेतर्फे सागरी अभ्यास प्रकर्ष केंद्र चालविण्यात येणार आहेत. याचे भूमिपूजन महाराष्ट्राचे राज्यपाल भगत सिंह कोश्यारी यांच्या हस्ते आज वेंगुर्ला येथे करण्यात आले. यावेळी शालेय शिक्षण मंत्री दीपक केसरकर यांची प्रमुख उपस्थिती होती.
हे अभ्यास केंद्र वेंगुर्ला नगरपरिषद हद्दीतील नाटककार मधुसूदन कालेलकर सभागृहाच्या समोरील शासनाच्या जागेत हे केंद्र विकसित होणार आहे. या अभ्यासकेंद्रात सागरी जीवनशास्त्र व मत्स्योद्योग, सागरीशास्त्र, सामाजिक व आर्थिक अभ्यास केंद्र, नौकानयन व मासेमारी, किनारपट्टी तसेच जीवनशास्त्रीय भुशास्त्र, खनिज-तेल- वायू सागरी तंत्रज्ञान, सागरी कायदा व सुव्यवस्था, किनारपट्टी विभाग व्यवस्थापन असे ८ प्रकारचे अभ्यासक्रम घेण्यात येणार आहेत.
भूमीपूजन समारंभाप्रसंगी शालेय शिक्षण मंत्री दीपक केसरकर, मुंबई विद्यापीठाचे कुलगुरू डॉ. सुहास पेडणेकर, जिल्हाधिकारी के. मंजुलक्ष्मी, प्रभारी कुलगुरू डॉ.रविद्र कुलकर्णी, प्रांताधिकारी प्रशांत पानवेकर, मुख्याधिकारी डॉ. अमितकुमार सोंडगे, गटविकास अधिकारी विद्याधर सुतार, विद्यापीठ अभियंता विनोद पाटील, सिंधुदुर्ग उपपरिसर संचालक श्रीपाद वेलिग, प्रभारी कुलसचिव डॉ.विनोद पाटील, उपविभागीय पोलीस अधिकारी रोहिणी सोळंके, माजी नगरसेविका कृतिका कुबल, शीतल आंगाचेकर, कृपा गिरप- मोंडकर, पूनम जाधव, खर्डेकर महाविद्यालयाचे प्राचार्य डॉ.विलास देऊलकर आदी उपस्थित होते.