मदर तेरेसा स्कूलमध्ये महिला दिनानिमित्त तिन गटात घेतलेल्या तालुकास्तरीय वेशभूषा स्पर्धेत ५० स्पर्धकांनी सहभाग घेतला. स्पर्धेतील पहिल्या तीन विजेत्यांना स्पर्धेचे परिक्षक अनिता रॉड्रीग्ज, श्रेया मयेकर व प्रार्थना हळदणकर यांच्या हस्ते प्रमाणपत्र, चषक व भेटवस्तू देऊन गौरविण्यात आले. स्कूलच्या विद्यार्थ्यांनी सादर केलेल्या विविध कार्यक्रमांतून स्त्रीयांचे महत्त्व व आदरभाव व्यक्त केला. अनिता रॉड्रिग्ज यांनी पालक व मुलांना मार्गदर्शन केले. यावेळी मुख्याध्यापक फादर अॅन्थोनी डिसोजा, शिक्षक, शिक्षकेत्तर कर्मचारी व पालक उपस्थित होते.