ज्येष्ठ नागरिक संघ, वेंगुर्लेचा वर्धापनदिन २ ऑक्टोबर रोजी वेंगुर्ला दिवाणी न्यायलायाचे सहदिवाणी न्यायाधीश डी. वाय.रायरीकर यांच्या प्रमुख उपस्थितीत संपन्न झाला. २०१९ साली संघाचे सचिव रघुनाथ परब यांना झालेल्या अपघातामुळे व त्यानंतर आलेल्या कोरोना महामारीमुळे संघाचा वर्धापनदिन होऊ शकला नव्हता. यावर्षी झालेल्या या वर्धापनदिनात सुमारे १०० स्त्री-पुरुष ज्येष्ठ नागरिक सहभागी झाले होते. यावेळी ७५ वर्षे पूर्ण झालेल्या सदस्यांचा सत्कार रा.पां.जोशी यांच्या हस्ते तर वैवाहिक जीवनाला ५० वर्षे झालेल्या सदस्यांचा सत्कार रेश्मा पिगुळकर व रमेश पिगुळकर यांच्या हस्ते करण्यात आला. यात पुरुषांना स्मृतिचिन्ह व श्रीफळ तर स्त्रीयांना सौभाग्यवाण देण्यात आले. पुणे येथील शारदा ज्ञानपिठम् तर्फे रा.पां.जोशी यांना विशेष पुरस्कार जाहीर झाला होता. त्यानिमित्त सहदिवाणी न्यायाधीश डी.वाय.रायरीकर यांच्या हस्त त्यांचा सत्कार करण्यात आला. श्री.रायरीकर यांनी ज्येष्ठांना मिळणाया विविध सोयी सवलतीबाबत माहिती देऊन मार्गदर्शन केले. सर्वश्री नाईक, कांबळी, पिगुळकर यांनी आपले विचार मांडले. यावेळी उपाध्यक्ष शामराव काळे, कार्यवाह तिरपुडे, घोगळे, दाभोलकर, बांदवलकर, येरागी, कडुलकर उपस्थित होते.