महिला दिनाचे औचित्य साधून भाजपा महिला मोर्चाच्यावतीने वेंगुर्ला तालुक्यातील ११ कर्तृत्वान महिलांचा शाल, श्रीफळ व सन्मानपत्र देऊन सन्मान करण्यात आला. हा कार्यक्रम तालुका भाजपाच्या कार्यालयात घेण्यात आला.
यामध्ये सामाजिक कार्यकर्त्या प्राची मणचेकर, शिवणक्लास घेऊन घरचा चरितार्थ चालविणारी रागिणी परुळेकर, कौशल्य विकास प्रशिक्षण देणा-या प्रणाली अंधारी, कॅटरिग व्यावसायीक अंबरीश मांजरेकर, महिला उद्योजिका आकांक्षा परब, काजू कारखानदार दूर्वा माडकर, लहान वयायत टेलरिग व्यवसाय करुन कुटुंब सांभाळणारी संगिता नाईक, नव-याच्या निधनानंतर स्टॉल चालवून मुलांचे पालन पोषण करणारी सायली परब, योगशिक्षिका व मेडिकल योग थेरपिस्ट साक्षी बोवलेकर, स्फूर्ती गृहउद्योगांतर्गत विविध प्रकारचे मसाले व पदार्थ बनविणारी स्मिता होडावडेकर, कापड दुकानदान व महिलांचे ड्रेस मटेरियल बनविणारी स्मिता कोयंडे आदी महिलांचा समावेश आहे. यावेळी प्रसन्ना देसाई, स्मिता दामले, सारिका काळसेकर, प्रार्थना हळदणकर, वृंदा गवंडळकर, श्रेया मयेकर, साक्षी पेडणेकर, कृपा मोंडकर, पुनम जाधव, हसिनाबेन मकानदार, रसिका मठकर, मानसी परब, सरिता परब, मिनाक्षी माडकर, अंकिता देसाई, अरुणा गवंडे, कविता भाटीया आदी उपस्थित होते.