प्रसिद्ध लेखिका श्रुती संकोळ्ळी यच्या ‘रंग-अंतरंग‘ या पुस्तकाचा प्रकाशन सोहळा उद्या (दि.१) सायंकाळी ४ वाजता साई डिलक्स हॉल, वेंगुर्ला येथे होणार आहे. ‘रंग-अंतरंग‘ या पुस्तकाच्या पहिल्या भागात लेखिका श्रुती संकोळ्ळी यांच्या आठवणी, अनुभव यावर आधारित प्रकाशित झालेले लेख तर दुस-या भागात किरात साप्ताहिकाच्या माध्यमातून ‘मन सुद्ध तुजं‘ या सदरामध्ये प्रकाशित झालेले लेख आहेत.
या पुस्तक प्रकाशन सोहळ्यासाठी मानसोपचार तज्ज्ञ डॉ.रूपेश पाटकर व ज्येष्ठ साहित्यिक वृंदा कांबळी हे प्रमुख पाहुणे म्हणून उपस्थित रहाणार आहेत. प्रकाशन सोहळ्यानंतर पुस्तकातील निवडक लेखांचे अभिवाचन व लेखिका श्रुती संकोळ्ळी यांच्याशी मनमोकळा संवाद साधला जाणार आहे. तरी यावेळी उपस्थित रहावे असे आवाहन किरात ट्रस्ट व किरात परिवार यांनी केले आहे.