महात्मा गांधी यांच्या जयंतीनिमत्त वेंगुर्ला नगरपरिषदेच्यावतीने रविवारी आयोजित केलेल्या ‘एक तारीख, एक तास स्वच्छता मोहिमे‘ला अभूतपूर्व प्रतिसाद मिळाला. या मोहिमेंतर्गत शहरातील मार्केट, हॉस्पिटल नाका, कॅम्प, बंदर रोड, बसस्थानक, वेशी भटवाडी, खांबड भटवाडी, आनंदवाडी, रामघाट रोड, दाभोली नाका आदी ठिकाणचा परिसर स्वच्छ करण्यात आला.
या मोहिमेत नगरपरिषद कर्मचारी, भाजी विक्रेते, बॅ.खर्डेकर महाविद्यालयाचे शिक्षक व विद्यार्थी, स्वामिनी बचत गटाच्या महिला व स्थानिक मच्छिमार, बस स्थानकाचे आगारप्रमुख, चालक, वाहक, होमिओपॅथीक मेडिकल कॉलेजचे विद्यार्थी व प्राध्यापक, बालगणेश मंडळाची मुल, माजी नगरसेवक, सखी बचत गट, लक्ष्मी बचत, गौरी बचत गट, दीप्ती बचत गट, एकता बचत गट, राजकीय पक्षांचे पदाधिकारी, रोटरी क्लब व इनरव्हील क्लबचे सदस्य, नानासाहेब धर्माधिकारी प्रतिष्ठानचे स्वयंसेवक व नागरीक उत्स्फूर्तपणे सहभागी झाले होते.