वेंगुर्ला शहरांत पोस्टाची सेवा देणारे प्रमुख पोस्ट ऑफिस गुरुवार (दि.२२) पासून कुलुपबंद करण्यात आलेले आहे. दरम्यान, या पोस्टऑफिसच्या दरवाज्यावर ‘वेंगुर्ला पोस्ट ऑफिसमध्ये कोरोना बाधित कर्मचारी मिळाल्यामुळे पुढील आदेश येईपर्यत वेंगुर्ला पोस्ट ऑफिस बंद राहिल‘ असल्याचा फलक लावण्यांत आला आहे. मात्र, या फलकावरील सुचनेत तारीखेचा उल्लेख नसल्याने ते किती दिवस बंद रहाणार आहे हे ग्राहकांना समजू न शकल्याने नागरीकांत हा चर्चेचा विषय ठरला आहे.
या फलकांवर तारीख नमुद न केल्याने ते केव्हापासून बंद करण्यांत आले आहे, हे समजण्यास मार्ग नाही. तसेच शासनाच्या निर्देशानुसार एखाद्या शासकीय अथवा निमशासकीय ऑफिसमधील कर्मचारी कोरोना बाधित आढल्यास ४८ तास ते बंद ठेवण्याचे आहेत. मात्र, पोस्ट ऑफिसने लावलेल्या फलकावर तारीख नमुद नसल्याने ते केव्हा सुरु होणार हे समजून येत नसल्याने ग्राहकांमध्ये चर्चेचा विषय बनला आहे.
दरम्यान, वेंगुर्ला तहसिलदार यांनी तालुक्यातील संबंधित शासकिय वा निमशासकिय अथवा सहकारी संस्था, आस्थापने यांना शासनाचा ४८ तासांच्या कालावधीत बंद ठेवण्याच्या नियमानुसार ते किती काळ बंद ठेवले जाईल, याची माहिती या फलकावर संबधितांनी जाहिर करावी किवा ते कधी सुरु होईल याची माहिती समजण्यासाठी संफ नंबर त्या सुचना फलकावर लिहिण्यांत यावा अशी मागणी नागरीकांतून होत आहे.