जगभरात ५ जून रोजी जागतिक पर्यावरण दिन साजरा होत असतानाच वेंगुर्ला न.प.तर्फे पर्यावरण दिनाचा ५०वा वर्धापनदिन विविध कार्यक्रमांनी साजरा करण्यात आला. यावर्षी ‘प्लास्टिक प्रदूषणावर उपाय‘ ही जागतिक पर्यावरण दिन २०२३ची थीम आहे. ही प्रत्येकाला प्लास्टिकचा वापर सोडून देण्यास प्रोत्साहित करते. त्याच अनुषंगाने वेंगुर्ला न.प.तर्फे कॅम्प येथे स्वच्छता मोहिम राबवून सुमारे ७०० किलो एवढा वर्गीकृत कचयाचे संकलन करण्यात आले. यावर्षी न.प.तर्फे शहरात पावसाळ्यापूर्वी १०० झाडे लावण्याचा संकल्प केला असून त्याचा शुभारंभही कॅम्प येथे १० झाडे लावून करण्यात आला. यावेळी न.प.अधिकारी व कर्मचारी उपस्थित होते.